yuxuda یوخودا

Yuxuda
 
Üç aya yaxındı ki mən görməmişəm cananımı
 
O qara qöz sözdə şirin dərdə salan dərmanımı
 
Bu neçə ayda ınanın silməmişəm göz yaşımı
 
Tanrı bəlkə rəhmə gələ rəhmə sala sultanımı
 
Hər gecələr zor vururam ta ki bəlkə məndə yatam
 
Dadlı şirin bir yuxuda çoxlu öpəm ceyranımı
 
Mən o zaman ki onun o şəhla gözün seyr elədim
 
Kafərə tay eşqə tüşüb verdim ona ımanımı
 

qara qaş göz قارا قاش گؤز

Qara qaş göz
 
Bir qara qaş qöz qıza mən canımı qurban demişəm
 
Bu aya bənzər qızı mən qəlbimə sultan demişəm
 
Leyla deyillər bu qıza ya da gözəllər maralı
 
Mən də bu gün məcnün olub tək ona canan demişəm
 
Aram edir könlümü o gözlərivin pak baxışı
 
Bil ki mən o gözlərivə çeşmeye ıman demişəm
 
Ayrlığın qan eliyib göz yaşımın dəryasını
 
Gəl yanıma ki mən [...]

hardasan هارداسان

Hardasan
 
Bu gün də gəldi getdi ey dərdimə dərman hardasan
 
Yandım axər eşqində mən ey şahe xuban hardasan
 
Gör nəcürsi yandırıbdı ayrılıq bu könlümü
 
Mərhəm dəyil heçkəs mənə canıva gurban hardasan
 
Allahın cənnət bağı axər nəcür mən söylüyüm
 
Sənsiz bugün oldu mısale band o zından hardasan
 
Mən o gündən ki sənin cadu gözün gördüm gözəl
 
Daş könlümü mən eylədim nazıva heyran [...]

تورک – تورک میللتی حاقیندا گوزل تورکی شعر

**** ساواش گونو ساوار اولسا آتا تـورک***    

 

 آلقیش دییه ر تورک اوغلونا آتا تورک***

 

 داغ دره ده یئل توزونا چـــــــــاتانماز***

 

ایر آتین بئلی اؤسته یاتا تــــــــورک***

 

توتار بوغار جایناغیندا قوش کـیمی***

 

 قاری دوشمن گیرمیش اولسا چاتار تورک***

 

 بیر قانینا دوخسان دوققوز قان ائلر***

 

 بیر کادینا قویماز قانی باتا تـــــورک***

 

 باشدان آیاق شرف ، غیرت کانی دیر***

 

 کیم گؤروبدور اؤز ائلینی آتا تـــورک***

 

 

 

 

 

یالان سئودا – تورکی گوزل شعر

یالان سئودا

بیلیردیم سئومه گین یالان اولاجاق
 
قوردوغون ایلقارلار تالان اولاجاق
 
عشـــقینی الینــدن آلان اولاجــــاق
 
آی منی غربت ده گولوم سسله یه ن
 
یالانچی سوزلر له منی بسله یه ن
 
سنی سئومه گیمه کوسدوم اوُزومدن
 
غصه لی اورگیم توشدو دوزومدن
 
اللریم گوز یاشیم سیلمیر اوزومدن
 
اوُزومون اوُزومدن آجیغــــیم گلیر
 
گئچمیشلر اوخ اولوب باغریمی دَلیر
 
قانا باتمیش کونلوم تئز سئودی سنی
 
سئویملی گوزله رین اوُلدوردی

Gözəl sən gözəlim

Sən gözəllər gözəlindən də gözəlsən gözəlim

Bu gözəllikdə ağızlarda məsəlsən gözəlim

Bu acı dunyada sən təkcə şirin bir məzəsən

Qoy ki mən sadə deyim dadlı əsəl sən gözəlim

Mən gözəl şeirlərimi təkcə sənin eşqə dedim

Çünki sən layıqe bu şeiro qəzəlsən gözəlim

Niyə [...]

آیریلیق هواسی

آیریلیق هواسی

بو نی چالان بو گئجه آیریلیق هواسی چالیر

نئیین یانیقلی سسی اود سالیر اورک چابالیر

سن ایسته ییرسن گئده سن گئت گوزوم دالینجا قالیر

اورکده غم قوشو سن گئتسن آشیانه سالیر

منه اولوم بو گئجه آیرلیقدان آساندی

آماندی گئتمه دایان گئتمه قال اورک یاندی

پولاددان اولسا اورک, آیریلیق اودی اریدیر

بو اود داشی اریدیر یئل کولون هوایه سپیر

بنزر – نسیمی دن گوزل تورکی شعر

جمالون طلعت گلزاره بنزر

دوداغون شربت خونخواره بنزر

نعیمین باغی بیل گلزاره وحدت

اگر اولدی اوزون گلناره بنزر

تماشای جمالون قل هو الله

اوزونده بیلمیین فجاره بنزر

یاناغون جنت خندان گلی دور

ولی نرگس لرون عیاره بنزر

منم اختر بو مصر و شام ایچینده

خراسان و عجم بلغاره بنزر

وجودون مصر جامع دور ساچون شام

کواکب طره سی طوماره بنزر

نسیمی نین وجودی یا محمد

سنونله دایما اقراره

منه سویلدی...

سوروشدو : نه قدر سئویرسن منی ؟ بیر چوخ فیکیرله شدیم جواب تاپمادیم ایبهاملی بیر سکوت کؤچدو ذهنیمه محبتی اؤلچه ن بیر قاب تاپمادیم * سؤیله دی : اولمایا آزجا سئویرسه ن ؟ اوره ییم توتولوب تیتره دی بیردن محبته اؤلچو اولسایدی یقین بو سونکو گیلئیی ائشیتمه زدیم من*اما هئچ بیریمیز دانانماریق کی هر کسه عزیزدیر آناوطنی ایندیسه نئجه دیر سویله سه م اگر آذربایجان قدر سئویرم سنی 

سو دئیبدیر منه اولده آنام...

"سو"دئییبدیر منه اولده،انام اب کی،یوخ

                                                  "یوخو"اویرتدی اوشاقلیقدامنه،خواب کی،یوخ

ایلک دفعه کی،"چورک"وئردی منه نان دئمه دی

                                                    ازلیندن منه "دوزدانه"، نمکدان  دئمه دی

انام ،اختر دئمه یبدیرمنه،"اولدوز "دئییب او

                                                 سو دوناندا،دئمه ییب یخدی بالا،"بوز"دئییب او

"قار" دئییب ،برف دئمه ییب،دست دئمه ییب"ال"دئییب او

                                                منه هئچواخت بیا سویله مه ییب،"گل"دئییب او

یاخشی خاطیرلاییرام،یاز گونو اخشام چاغی لار

                                                 باغچانین گون باتانیندا کی،ایلیق گون یاییلار

گل:-دئیه ردی،-داراییم باشیوی ای نازلی بالام!

                                                گلمه سن گر،باجیوین استاجا زولفون دارارام

او دئمه زدی کی ،-بیا شانه زنم بر سر تو

                                                    گر نیایی بزنم شانه سر خواهر تو

بلی،داش یاغسادا گویدن،سن او سان من ده بویام

                                                   وار سنین باشقا انان،واردی منیم باشقا انام

اوزومه مخصوص اولان باشقا ائلیم واردی منیم

                                                ائلیمه مخصوص اولان باشقا دیلیم واردی منیم

ایسته سن قارداش اولاق،بیر یاشایاق،بیرلیک ائدک

                                                وئریبن قول-قولا،بوندان سورا بیر یولدا گئدک

اولا،اوزگه کولک لرله گرک اخمایاسان 

                                               ثانیا،وارلیغیما،خالقیما خور باخمایاسان

یوخسا گر زور دئیه سن ملتیمی خوار ائده سن

                                         گون گلر،صفحه چونر،مجبور اولارسان گئده سن

 

 

Glayölü seviyorum

   Glayölü seviyorum

Kalbine göre

Ki ince yapraklarının

Arkasında bellidir

İnsanin yüreki görünmüyor

Ve parmaklarınin ücünü karartacak

Ceviz gibi eğer açıp görürsen

شانه سی مندن

سن زلفین آچ توک اوزونه شانه سی مندن

زنجیری نشان وئر منه دیوانه سی مندن

سن عاشقی یاندیرماقا من یانماقا ماییل

سن شمعینی گوستر منه پروانه سی مندن

زلفون قدری عاشق اولان وار سنه ای گل

سن سویله او مجنونلاری افسانه سی مندن

سر مست گوزون فتنه لبین نشئه لی باده

ایچدیر منه اول باده نی پیمانه سی مندن

سن نازیله گل کی صدفین قیمتی آرتسین

گوزیاشی کیمی اینجیسی دردانه سی مندن

هردم گوتور اوزدن گوزه لیم افعی زلفین

چک ظاهره گنجینه نی ویرانه سی مندن

واحد می ی ترک ائتمک اوچون پیر مغانین

رنجیده اولوب بیر نئچه مستانه سی مندن