انتظار چکمک دن چتین ایش یوخ.تکجه انتظار چکن عاشقلر بو شعرین نه قدر آجی اولدوغونی دوشونرلر.
شهریارین سئوگیسینی رضا شاهین عمی سی اوغلو زورولا آلیر و
سئوگینین آناسی صون دفعه اولاراق اونو شهریارلا تهرانین بهجت آباد
پارکیندا گوروشدورمک سوزونی وئریر.شهریار او گئجه نی سحره قدر
اوردا گالیر.بو شعر او گئجه نین وصفی دیرو منیم احوالاتیمین وصفی!
بهجت آباد خاطره سی
اولدوز سایاراق گوزله میشم هر گئجه یاری
گج گلمه ده دیر یار یئنه اولموش گئجه یاری
گؤزلر آسیلی یوخ نه قارالتی نه ده بیر سس
باتمیش گولاغیم گؤرنه دؤشور مکده دی داری
بیر قوش آییغام! سویلیه رک گاهدان اییلده ر
گاهدان اونودا یئل دئیه لای-لای هوش آپاری
یاتمیش هامی بیر آللاه اویاقدیر داها بیر من
مندن آشاغی کیمسه یوخ اوندان دا یوخاری
قورخوم بودی یار گلمه یه بیردن یاریلا صبح
باغریم یاریلار صبحوم آچیلما سنی تاری!
دان اولدوزی ایسته ر چیخا گؤز یالواری چیخما
او چیخماسادا اولدوزومون یوخدی چیخاری
گلمز تانیرام بختیمی ایندی آغارار صبح
قاش بیله آغاردیقجا داها باش دا آغاری
عشقین کی قراریندا وفا اولمیاجاقمیش
بیلمم کی طبیعت نیه قویموش بو قراری؟
سانکی خوروزون سون بانی خنجردی سوخولدی
سینه مده أورک وارسا کسیب قیردی داماری
ریشخندله قیرجاندی سحر سویله دی: دورما
جان قورخوسی وار عشقین اوتوزدون بو قماری
اولدوم قره گون آیریلالی او ساری تئلدن
بونجا قره گونلردی ایدن رنگیمی ساری
گؤز یاشلاری هر یئردن آخارسا منی توشلار
دریایه باخار بللی دی چایلارین آخاری
از بس منی یاپراق کیمی هیجرانلا سارالدیب
باخسان اوزونه سانکی قیزیل گولدی قیزاری
محراب شفقده ئوزومی سجده ده گؤردوم
قان ایچره غمیم یوخ اوزوم اولسون سنه ساری
عشقی واریدی شهریارین گللی- چیچکلی
افسوس قارا یل اسدی خزان اولدی بهاری
سلام بیر گوزه ل شعر بیز اوچون گونده ریلیبدیر اما گونده ره ن آدینی
یازماییب. انشاللاه گلنکی
یازیلاریندا اوز آدینیدا یازار(یازماسادا بیزیم سوزوموز یوخ)
دیزیمین "گوللاریمین"طاقتی سنسن ای آنا
دیلیمین هر سوزی"هر صحبتی سنسن ای آنا
کیم اگر ایستمیرسه آناسین"خار اولسون
دیلی لال"گوزی کور"گولاخلاری کار اولسون
کیم آنا زحمتینی دانسا"اونا عار اولسون
کچن اولاد اوچون عذاب"اذیتی سنسن ای آنا
دیزیمین "گوللاریمین"طاقتی سنسن ای آنا
دیلیمین هر سوزی"هر صحبتی سنسن ای آنا
اله وارلیغ سان آنا "آدین دیللر ازبریمیز
نفسین گلن یرده"یوخدی بیزیم دردسریمیز
چوخ گوزل کلام دییب (محمد)پیغمبریمیز
اولاده بخش الیین جنتی سنسن ای آنا
دیزیمین "گوللاریمین"طاقتی سنسن ای آنا
دیلیمین هر سوزی"هر صحبتی سنسن ای آنا
دردیمــه درمــانیم اولسانــدا مــنیم سنــی سومیجـــم سومیجـــم مــن
عــشقیمه هـمدمیم اولسانــدامـنیم سنــی سِومیجــم سِومیجــم مَــن
دونیــا محــــورینـده اینـان داغیلسا بــو دونیا بیــر سنه بیــر منه قــالسا
اونــدادا ســـن مـنه گَرَک دِییل سن سنــی سِومیجـــم سِومیجـــم مـن
سیـــنم ورم اولسا جــــان یاتاغیندا ســـن طبیب حـــیاتیم اَلینده اولسا
عــزرائیل جــانیمی آلان چــاغینـدا سَنــی سِومیجـــم سِومیجـــم مــن
ایــنان مـــزاریمــی زیارت اتـــسَن قبریمین اوستونده گـوز یاشی توکسَن
جــهنم اودومــی جنَّت ســه اتـسن سنــی سِومیجــم سِومیجَـــم مــن